《降魔的》是TVB台庆剧入面最少集数的剧集，不过比起超豪华阵容的《夸世代》，《降魔的》精彩程度绝对不输后者。日前《降魔的》播出的大结局令好多网民都觉得有伏线，希望TVB会拍续集～完整文章：presslogic

大结局一开始已经有催泪位，小编觉得全套剧入面最痴情的角色一定是由刘佩玥饰演的啤啤当选！在世时已经帮小马追芷若、因为小马而死。

之后小马就下定决心要为啤啤＋有为报仇！

然后扮向魔投诚，用石敢当慨本体（嗰旧水晶）造慨子弹消灭魔～

因为杀咗郭展明，始终都系有罪孽喺身，令渠疏远芷若、唔够胆同芷若一齐～当小马叫芷若做「庄医生」慨时候，真系有种心痛慨感觉！

网民就话，最套剧最惨就系小马！不但死哂亲朋好友，仲要背负着石敢当降魔伏妖慨责任生存，又因为自己慨经历害死身边人，所以唔想同芷若拍拖～

网民睇完大结局后都觉得《降魔的》有机会拍续集，因为哩套剧系讲鬼，所以即使啤啤、有为或者其他角色死咗都仲可以继续讲落去～而且网民觉得大结局入面都留低咗唔少伏线！

首先就系同郭展明有一手慨佩玲，怀有郭展明骨肉慨渠去医院产检，同芷若对话完之后，双眼发出魔慨红光！相信佩玲肚入面慨BB就系魔慨转世，所以一定会有下集咁话～

小马喺马路中间大叫「石敢当」三次，希望石敢当会出返嚟～上车后发现胡鸿钧上咗车，小马问「石敢当？你返咗嚟啦？」，胡鸿钧就话：「你唔记得咗我啦？」，然后小马充满疑问地讲咗句「豪仔？」就完咗大结局啦！

因为石敢当平时称呼自己做「本尊」，而唔系「我」，所以网民都觉得哩个系豪仔而唔系石敢当～不过豪仔衣着打扮＋表情都同魔慨打扮一样（展明＋魔都系着黑色衫），会唔会系为咗细个比小马害死一事返嚟报仇？哩个亦都系网民觉得会开拍续集慨原因之一！

不过好多网民都话，TVB唔识见好就收，好多时拍续集就会拍到烂哂！你地又想唔想《降魔的》拍续集呢？